'কি তুমি সঁচাকৈয়ে নাজানা মালা?'
'অ নাজানো, তাতে ইমান আচৰিত হ'বলগা কি আছে?'
'তেন্তে তুমি তোমাৰ আই-কাৰ্ড, পাছপৰ্ট এইবোৰত কি লিখিছা?'
'এনেই কিবা এটা লিখি দিও আৰু'
'অহ্ হ' মালা এইটো কিন্তু তুমি বৰ বেয়া কাম কৰিছা, নাপায় এনেকুৱা কৰিব'
'হ'ব যোৱা তুমি খালী মোৰ দোষেই ধৰি থাকা' মুখখন ওন্দোলাই উচাত মাৰি মালা ধীৰাজৰ ওচৰৰপৰা গুচি গ'ল।
'অ নাজানো, তাতে ইমান আচৰিত হ'বলগা কি আছে?'
'তেন্তে তুমি তোমাৰ আই-কাৰ্ড, পাছপৰ্ট এইবোৰত কি লিখিছা?'
'এনেই কিবা এটা লিখি দিও আৰু'
'অহ্ হ' মালা এইটো কিন্তু তুমি বৰ বেয়া কাম কৰিছা, নাপায় এনেকুৱা কৰিব'
'হ'ব যোৱা তুমি খালী মোৰ দোষেই ধৰি থাকা' মুখখন ওন্দোলাই উচাত মাৰি মালা ধীৰাজৰ ওচৰৰপৰা গুচি গ'ল।
আহ্ হা, এই ছোৱালীজনীক যে একো এটা ক'বই নোৱাৰি! ইমান সৰু সৰু কথাতে ঠেঁহ লাগে। আজিনো সি কি মিছা কথাটো ক'লে তাই যে উচাত মাৰি তাৰ ওচৰৰপৰা উঠি গুচি গ'ল। তাইৰ খোজৰ চেৱে চেৱে নাচি যোৱা দীঘল চুলিকোছালৈ এপলক চাই ধীৰাজে বাকী থকা ক্লাছটো কৰিবলৈ বাট ল'লে। এতিয়া যদি এইটো কথাও ক'বলৈ যায়, তাই চাগে অফটোৰ পিছত থকা ক্লাছটো নকৰি ঘৰলৈ বাট মেলিব। আজি ন'কলেও কাইলৈ পৰহিলৈ হ'লেও তাইক বুজাব লাগিব যে তাই যিমান সৰু বুলি ভাবি আছে কথাটো সিমান সৰু নহয়। কেতিয়াবা তাইৰ এই কথাটোৱে কাৰোবাক বিপদৰপৰা সহায় কৰিম বুলিও কৰিব নোৱাৰিব। কি যে হ'ল এই ছোৱালীজনী! কেতিয়াবা বহুত কথাই বুজি পায়, কেতিয়াবা আকৌ একোৱেই নাপায়। তথাপিও মালা ধীৰাজৰ বহুত বেছি আপোন। তাইক বাদ দি তাৰ নিজৰ বুলি আছেনো কোন কেতিয়া যে এইজনীক একেবাৰে নিজৰ কৰি ল'ব পাৰিম!
***
ধীৰাজৰ কথাখিনি বাৰু সঁচা নেকি? আচলতে মালাই জানি-বুজিহে চবতে তাইৰ ব্লাড গ্ৰুপটো দিয়াতো প্ৰয়োজন। নজনা-নেমেলাকৈ দিয়াতে তাই বৰ বেয়া কাম কৰিছে। তাৰ কথাখিনি শুনি উচাত মাৰি গুচি আহিলে ঠিকেই কিন্তু ঘৰ আহি পায় তাই শান্তি পোৱা নাই। মালাই ধীৰাজৰ ওপৰত বেছিয়ে অভিমান কৰিলে চাগে। তাইও মানে তাৰ মৰম পাই জোখতকৈ বেছিয়ে আৱেগিক হৈ যায় অকণমান কথাতে।
***
'হেল্ল' ধীৰাজ'
'অ কোৱা' ধীৰাজে অলপ জানি বুজিয়ে মাতটো গহীনত দিলে।
'আজি ব'লাচোন মোৰ ব্লাড-গ্ৰুপতো চেক কৰি আহো' দোষী দোষী সুৰেৰে মালাই কোনোমতে মাতটো উলিয়ালে।
'এতিয়া কিয় মন গ'ল বা? অথনি দেখোন মই দোষ ধৰি থাকো বুলি উচাত মাৰি গুচি গৈছিলা' তাইক অকণমান জোকাই চাঁও বুলি ধীৰাজে কলেজৰ কথাখিনি তাইক মনত পেলাই দিলে। কিন্তু মালাই তাক কিবা কোৱাৰ সলনি পৰাজয়ৰ সুৰতহে তাক কিবাকিবি কোৱা আৰম্ভ কৰিলে। তাইৰ কথা শুনি ধীৰাজে গম পালে যে সঁচাকৈয়ে মানে তাৰ কথাখিনি তাইৰ গাত লাগিছে। ন'হলে মালাৰ নিচিনা জেদী অভিমানী ছোৱালীজনীয়ে কেতিয়াও সহজতে কথাবোৰ মানি নলয়। যি হ'লেও ধীৰাজৰ মনতো কিবা এটা ভাল লাগি গ'ল। এতিয়াই যেন গৈ তাইৰ দুগাল তাৰ মৰমৰ চুমাৰে ভৰাই পেলাব।
'অ কোৱা' ধীৰাজে অলপ জানি বুজিয়ে মাতটো গহীনত দিলে।
'আজি ব'লাচোন মোৰ ব্লাড-গ্ৰুপতো চেক কৰি আহো' দোষী দোষী সুৰেৰে মালাই কোনোমতে মাতটো উলিয়ালে।
'এতিয়া কিয় মন গ'ল বা? অথনি দেখোন মই দোষ ধৰি থাকো বুলি উচাত মাৰি গুচি গৈছিলা' তাইক অকণমান জোকাই চাঁও বুলি ধীৰাজে কলেজৰ কথাখিনি তাইক মনত পেলাই দিলে। কিন্তু মালাই তাক কিবা কোৱাৰ সলনি পৰাজয়ৰ সুৰতহে তাক কিবাকিবি কোৱা আৰম্ভ কৰিলে। তাইৰ কথা শুনি ধীৰাজে গম পালে যে সঁচাকৈয়ে মানে তাৰ কথাখিনি তাইৰ গাত লাগিছে। ন'হলে মালাৰ নিচিনা জেদী অভিমানী ছোৱালীজনীয়ে কেতিয়াও সহজতে কথাবোৰ মানি নলয়। যি হ'লেও ধীৰাজৰ মনতো কিবা এটা ভাল লাগি গ'ল। এতিয়াই যেন গৈ তাইৰ দুগাল তাৰ মৰমৰ চুমাৰে ভৰাই পেলাব।
''আজি যাবা নে নাই কোৱা? ন'হলে মই হোষ্টেলৰ ছোৱালী এজনী লৈয়ে গুচি যাম' তাৰ ভাললগা ভাবত যতি পেলাই মালাই আকৌ মাত দিলে। এতিয়া ন'গলে গোটেইখন খাণ্ডব দাহ নকৰাকৈ যে নেৰে ধীৰাজে সেই কথা ভালকৈয়ে জানে।
'ঠিক আছে আজি ক্লাছৰপৰা আহি ন'হলে কাইলৈ যাম। এনেও কাইলৈ কলেজ বন্ধ।'
'ঠিক আছে তেন্তে কাইলৈ যাম, আজি মোৰ প্ৰেক্টিকেলখিনি খটম কৰিবলৈও আছে।'
সোনকালে টেষ্টতো কৰাই আহিব লাগিব। ইমানদিনে সকলোতে মিছা ব্লাড গ্ৰুপতো লিখি থাকোতে একো অনুভৱ হোৱা নাছিল মালাৰ। কিন্তু যেতিয়া ধীৰাজৰ মুখত কথাবিলাক শুনিলে তেতিয়াহে তাই যেন ইমানদিনে এটা পাপহে কৰি আছিল, তেনে অনুভৱ হ'ল। কিয় বাৰু তাই এনেকুৱা কৰিছিল? আৰু সেই কলেজৰ ফাৰ্ষ্ট ইয়েৰৰ ছোৱালীজনী, যিয়েই কেইদিনমানৰ আগতে মৃত্যুক সাৱতিলে! কি ঠিক মালাৰ যদি ব্লাডগ্ৰুপটো তাইৰ লগত মিলেই। হেহ নহয় চাগে এইটো ব্লাডৰ মানুহ খুব কম থাকে মালাৰ নহয় চাগে বুলি নিজকে তাই সান্তনা দিলে।
সোনকালে টেষ্টতো কৰাই আহিব লাগিব। ইমানদিনে সকলোতে মিছা ব্লাড গ্ৰুপতো লিখি থাকোতে একো অনুভৱ হোৱা নাছিল মালাৰ। কিন্তু যেতিয়া ধীৰাজৰ মুখত কথাবিলাক শুনিলে তেতিয়াহে তাই যেন ইমানদিনে এটা পাপহে কৰি আছিল, তেনে অনুভৱ হ'ল। কিয় বাৰু তাই এনেকুৱা কৰিছিল? আৰু সেই কলেজৰ ফাৰ্ষ্ট ইয়েৰৰ ছোৱালীজনী, যিয়েই কেইদিনমানৰ আগতে মৃত্যুক সাৱতিলে! কি ঠিক মালাৰ যদি ব্লাডগ্ৰুপটো তাইৰ লগত মিলেই। হেহ নহয় চাগে এইটো ব্লাডৰ মানুহ খুব কম থাকে মালাৰ নহয় চাগে বুলি নিজকে তাই সান্তনা দিলে।
***
নিশান্ত ধীৰাজৰ বেষ্টফ্ৰেণ্ড সুশান্তৰ ভায়েক আজি কেইবাদিনৰ মোৰত ঘৰলৈ উভতি আহিছে হস্পিতালৰপৰা। ডাক্তৰৰ অপৰিসীম চেষ্টাত সি তাৰ জীৱনতো কোনোমতে ঘূৰাই পাইছে। মালাই সি অহা খবৰ পাই লৰালৰিকৈ ওলাই গৈছে তাৰ ঘৰলৈ বুলি। তাই নিশান্তৰ কাৰণে তেজ দি ইমানদিনে ভুগি থকা অশান্তিৰপৰা অলপ হ'লেও শান্তি পাইছে। কিছুদিনৰ আগতে কাৰ এক্সিডেণ্টত কোনোমতে জীৱনতো ঘূৰাই পাবলৈ সক্ষম হোৱা নিশান্তক অ' নিগেটিভ ব্লাডৰ প্ৰয়োজন হোৱাত মালাই অনতিপলমে গৈ দি আহিছিল। যদিও সি ঘূৰি অহাত ডাক্তৰসকলৰ কষ্ট আৰু যত্নৰ কথা স্বীকাৰ কৰিবই লাগিব তথাপিও তাইৰ কথাও নোকোৱাকৈ নোৱাৰি। সময়ত যদি মালাই গৈ পাবলৈ নোহোৱা ব্লাড গ্ৰুপটো তাই নিদিলেহেঁতেন হয়তো নিশান্তো যদি মালাৰ কলেজৰ জুনিয়ৰ ছোৱালীজনীৰ দৰে! যিটো কথাই আজিও তাইক বৰকৈ কষ্ট দিয়ে।
***
অতি সোনকালে অ' নিগেটিভ ব্লাডৰ যোগাৰ কৰিব লাগে। চাৰিওফালে হাহাকাৰ লাগিছে। কলেজত যিয়ে যাকে লগ পাইছে তাকে কথাতো জনাইছে। ইউনিয়ন বডীৰ সদস্যকেইজনে লগ লাগি সকলোৰে ক্লাছত জাননিখন দি গৈছে। যেনেকৈ হ'লেও যাতে যোগাৰ কৰে। সিহঁতৰ কলেজৰ ফাৰ্ষ্ট ইয়েৰৰ ছোৱালী এজনীৰ এক্সিডেণ্ট হৈ অৱস্থা একেবাৰে বেয়া। লগে লগে জিএনআৰচি ত ভৰ্তি কৰালে যদিও কিছু তেজৰ প্ৰয়োজন কিন্তু তাইৰ ব্লাড গ্ৰুপতো অলপ পাবলৈ সমস্যা। সেয়ে সকলোতে হুলস্থূল লাগিছে। যিয়ে যিমান পাৰে চেষ্টা কৰিছে কিন্তু লাভ ন'হল, ইতিমধ্যে খবৰ আহিল ছোৱালী জনীয়ে এই সংসাৰৰপৰা বিদায় লৈছে। সেই ঘটনাতো ঘটিছিল মালাৰ ধীৰাজৰ লগত ব্লাড গ্ৰুপলৈ লগা কাজিয়াখনৰ কেইদিনমান আগত। মালাই সেইদিনালৈকে একো বিশেষ চিন্তা কৰা নাছিল কিন্তু যেতিয়া তাই তাইৰ ব্লাডগ্ৰুপ টেষ্ট কৰাই গম পালে যে তাই দিব পাৰিলেহেঁতেন কিন্তু নজনা হেতুকে মালাই একো কৰিব নোৱাৰিলে। সেইদিন ধৰি মালাৰ অন্তৰে মাজে মাজে কান্দি উঠে। কিবা এটা মনোকষ্ট পাই থাকে যিটো কাৰো আগত প্ৰকাশ কৰিবও নোৱাৰে। যদি তাই আগতেই তাইৰ ব্লাডগ্ৰুপটো আগতেই জানিলেহেঁতেন। এই হেঁতেন শব্দটো বৰ দুৰ্ভগীয়া, এই শব্দটোৱে তাইক দহি দহি পোৰে। কিন্তু আজি নিশান্ত ঘৰলৈ ঘূৰি অহাৰ খবৰে তাই অলপ হ'লেও সেই অৰ্ন্তদন্দৰপৰা সকাহ পাইছে। যি হ'লেও তাইৰ দুটোপাল তেজৰ কাৰণে কোনোবাই জীৱনটোক ঘূৰাই পোৱাৰ সুখত আজি মালা সুখী। তাইৰ ইমানদিনে বুকুৰমাজত লৈ ফুৰা দোষী দোষী ভাবৰ কলীয়া ডাৱৰবোৰ লাহে লাহে আতৰি গৈছে।
